LAOAG CITY – Napaay ni Serbian tennis star Novak Djokovic iti maikadua a round ti Indian Wells tennis tournament iti California.
Saan daytoy a nakaporma ken ni Botic van de Zandschulp iti iskor a 6-2, 3-6, 6-1.
Daytoyen ti nagsaruno nga early exit ti Serbian tennis star manipud iti maysa a lucky loser.
Iti napalabas a tawen ket naabak isuna kontra ken ni Luca Nardi ti Italy iti California desert.
Ti agtawen ti 37 a ni Djokovic ket simmanod iti Australian Open semi-finals kontra ken ni Alexander Zverev gapu iti hamstring injury-na ken naabak isuna iti Qatar Open iti umuna a round iti napalabas a bulan.
Kaduana ti court ti coach daytoy a dati a tennis star a ni Andy Murray.
Inbatad ni Djokovic nga awan ti babbabalawenna gapu ta nagbalin a nakapsot ti performance-na.
