LAOAG CITY – Pormal nga aglukat ti Deparment of Migrant Workers Desk ditoy Ilocos Norte inton bulan ti Marso ita a tawen.
Segun ken ni Mr. Christian Rey Sison, Regional Director ti Deparment of Migrant Workers – Region I, maestablisar ti nasao nga opisina iti First District Congressional Office ditoy siudad ti Laoag.
Inbatadna a babaen iti daytoy ket ad-adda a maiyasideg ti serbisio para kadagiti agkasapulan ti tulong nga Overseas Filipino Workers.
Inlawlawagna nga apaman a naan-anay a maipatungpal daytoy ket saanen a kasapulan pay nga agbiahe wenno agturong dagiti maseknan nga Overseas Filipino Workers iti regional office tapno agpatulong.
Innayonna a maidiaya pay dagiti nagduduma a programa kadagiti Overseas Filipino Workers tapno maipasigurado a matulungan dagitoy.
