LAOAG CITY – Agsagsaganan ti Department of National Defense (DND) ken Armed Forces of the Philippines (AFP) para iti panagibakwit ken humanitarian mission kadagiti Pilipino idiay Middle East iti posible nga ad-adda pay a kumaro ti tension kalpasan a nangiwayat ti airstrikes ti Estados Unidos ken Israel idiay Iran.
Inbatad ti pannakangiwat ti Department of National Defense a ni Asst. Sec. Arsenio Andolong a nakasagana ti Armed Forces of the Philippines a mangipaay ti humanitarian ken evacuation operations iti kanito a makaawatda ti pammilin.
Naammoan a rinibribu a Pilipino ti agtrabtrabaho ken agnanaed idiay Middle East pakairamanan dagiti adda iti household service, caregivers, engineers ken dagiti health professionals.
Kuna ni Andolong nga awan ti direkta a pangta ti Pilipinas mainaig iti mapaspasamak a gubat.
