LAOAG CITY – Naragsak nga inrakurak ni Dr. Shirley Agrupis, presidente ti Mariano Marcos State University (MMSU) iti ciudad ti Batac nga iti sumaruno nga academic year ket idiaya dan ti Doctor of Veterinary Medicine.
Segun kenni Agrupis, daytoy ket kas sungbat kadagiti panagtaod ti sakit dagiti nagduduma a taraken.
Ummuna iti daytoy, nangiyuswat da ti feasibility study ken ditoy da a natukdalan a bassit ti bilang ti veterinary medicine ket ti kaasitgan a pagadalan a mangididiaya iti daytoy ket ti Don Mariano Marcos State University (DMMSU).
Gapo iti daytoy, nakarit da isut gapo na a nangaramid da ti proposal ken immabot iti tallo a tawen ti panagsagana da gapo kadagiti ado a requirements a kasapulan da a maipasa.
Kunana a nagballigi da met kalpasan a naaprubaran ken iti sumaruno nga academic year ken maidiayan ti Doctor of Veterinary Medicine kadagiti sumrek iti unibersidad.
Mainaig iti daytoy, kunana nga adda met ti entry requirements kas panagturpos iti Senior High School, pannakagun-od ti 90% iti MMSU Admission Test ken 85% ti general average na.
Daytoy ket gapo ta kalikagom da ti kalidad ti edukasyon partikular iti nasao a field.
