LAOAG CITY – Inbatad ni Engr. George Dimalaloan a naibusen ti documentary stamp ti Assessor’s Office gapu ti temporaryo a panagserra ti Bureau of Internal Revenue (BIR).
Ti nasao a documentary Stamp ket mausar dagiti mapan ag-renew ken agirehistro ti negosyo da.
Inlawlawag na nga ita a bolan ti business renewal period isut gapuna nga ado dagiti agkasapolan ti documentary stamp, ngem nairana a temporaryo a nagserra ti BIR isut gapuna a dagiti sumagmamano a negosyante ket napanda kadagiti nagduduma nga ili.
Maipalagip nga itay napalabas a lawas ket nagserra ti nasao nga ahensya gapu iti panagpositibo ti COVID-19 ti 8 nga empleyado.
Nupay kasta, ita nga aldaw ket agsublin ti operasyon ti nasao nga opisina kalpasan nga inpalubos daytoy City Health Office (CHO) ditoy ciudad ngem surutenda ti Skeletal work force.
