LAOAG CITY – Nangiyuswat ti Department of Energy (DOE), katulungan da ti Department of Information and Communications Technology (DICT), ti electronic complaint platform para iti publiko a kayatna nga i-report dagiti gasolinaan a manglabsing iti fuel pricing rules wenno makapaspasar ti fuel shortages, gapu iti tensyon iti Middle East.
Basar iti Department of Energy, mabalin nga idanun dagiti reklamo iti babaen ti eReport tab iti eGov app.
Masapol a pilyen dagiti agus-usar ti “Gas Station Concerns” option, ikabil dagiti detalye, ken ilanad no ti isyu ket agdama wenno napasaranen iti kallabes.
Karaman kadagiti mabalin nga ireport ket ti panic buying wenno atiddog a pila kadagiti gasolinaan, Fuel hoarding wenno a panaggatang ti petroleum products, saan a panangsurot ti fuel pricing, saan nga otorisado a panagipangato ti presyo wenno panaglabsing iti pricing regulations, agkedked nga aglako ti gasoline wenno dadduma pay a petroleum products.
Inpakaammo ti Department of Energy a makitintinnulong iti
Department of the Interior and Local Government (DILG) ken Philippine National Police (PNP) tapno papigsaen ti monitoring kontra iti possible nga hoarding ken profiteering.
Ti nasao nga addang ket mainaig iti panagserra ti Strait of Hormuz, maysa a kangrunaan a global shipping corridor iti nagbaetan ti Iran ken Oman, gapu iti riribok iti rehiyon a nakairamanan ti Estados Unidos, Israel, ken Iran.
Maibilang ti strait a maysa a kapatgan a ruta ti panag-export ti langis iti lubong, a maikonkonektar iti kangrunaan a Gulf oil producers agturong iti Gulf of Oman ken Arabian Sea.
