LAOAG CITY – Nakasagana ti Department of Energy (DOE) ti ‘worst-case scenarios’ gapu iti agtultuloy a riribok idiay Middle East.
Inbatad ni Energy Secretary Sharon Garin, naaddaan dagitoyen ti panagtataripnong kadagiti nagduduma nga ahensia pakairamanan ti sumagmamano a kompania ti langis.
Tinalantanda dagiti wagas no kasano a masolbar ti mapasaran a krisis.
Naammoan nga adda ti sumagmamano a scenario a napagnunumoan no bilang agbayag pay ti mapaspasamak a rinnupak.
Inpasingkedna a ti prioridadda latta ket masigurado a maaddaan ti umdas a suplay ti langis ti pagilian ken nalaka pay a presio daytoy.
