LAOAG CITY – Nagballaag ti Department of Economy, Planning and Development (DEPDev) a posible nga umabot iti 7.5% ti inflation no kumaro ken agpaut ti gubat iti nagbaetan ti Estados Unidos, Israel ken Iran idiay Middle East.
Iti briefing kadagiti miembro ti House of Representatives, dinakamat ni Socioeconomic Planning Secretary Arsenio Balisacan ti posible a scenario basar iti garaw ti world market ti langis.
Mabalin nga umabot iti $100 iti kada bariles ti presio ti krudo ita a Marso ken agtalinaed a lumabes ti $80 iti kada bariles agingga inton Mayo.
Iti kastoy a situasion, mabalin a ngumato ti inflation iti 4.5% agingga iti 5.1% ita a Marso, apagapaman a bumaba ti 4.5% agingga iti 4.8% inton Abril ken umabot iti average a 4% agingga iti 4.2% ita a 2026 sakbay a guminad iti 3.5% agingga iti 3.6% inton 2027.
