LAOAG CITY – Maysa a dog lover manipud idiay Canada ti nakagun-od ti world record babaen iti panagpagnana ti nasurok iti kagudua a milya kabayatan nga aggegeddan nga iggemna ti tali dagiti 38 nga aso.
Indauloan ni Mitchell Rudy ti grupo ti 38 nga aso a nagna iti .6 miles tapno maburak ti Guinness World Record para iti titulo a “Most Dogs Walked Simultaneously by an Individual.”
Naiyuswat ti record attempt ni Rudy idiay Goesan, South Korea.
Ti 38 nga aso a nakipaset ket manipud iti Korean K9 Rescue shelter.
Inbatad ni Rudy a ti record attempt-na ket gagem nga itandudo ti panagampon kadagiti rescue dogs.
