LAOAG CITY – Mangrugin nga agoperar ti dog pound iti Barangay Camangaan ditoy ciudad ti Laoag intono Enero 2024.
Gapu iti daytoy, ad-adda pay nga agbalin nga agresibo ti panagbakuna kadagiti aso ken pusa tapno maliklikan ti panagraira ti rabies ditoy ciudad ti Laoag.
Malaksid iti daytoy, agbalin payen nga agresibo ti panagtiliw kadagiti walang nga aso.
Segun kenni Dr. Josephine Licudeni, ti nasao nga addang ket naipalaon amin iti ordinansa a maipatpatungpal ditoy ciudad kangrunaan na ket umaboten iti sumurok-kumurang a tallo ribo dagiti nairekord a nakagat ti aso ken pusa ita a tawen.
Inpakaammoo ni Licudeni nga adda a mismo iti abay to dog pound ti klinika a mabalin a pakaikabilan dagiti nagduduma a dingwen tapno makita ti sitwasyon ti salun-at da.
