LAOAG CITY – Manarimaan a mangiyus-uswat ti Department of Health (DOH) ti guidelines wenno health protocols para kadagiti negosio nga asideg ti pannakisarsaritana kadagiti kustomer pakairamanan dagiti parlor, barbershop, spa ken dadduma pay.
Segun ken ni Department of Health Assistant Secretary Albert Domingo, gagem daytoy manipud iti World Health Organization (WHO) a makaala ti access kadagiti bakuna iti panagtuko tapno makatulong a maprotektaran kontra iti mpox virus.
Inbatadna a ti Pilipinas ket addaan ti cold chain ken supply chain facilities nga inusar idi COVID-19 pandemic a pangikabilan para kadagiti bakuna.
Mainaig iti daytoy, kuna ni Health Secretary Ted Herbosa a ti pasiente laeng a mangipakpakita ti sintomas ti mpox ti makaal-ala kadagiti agas iti agdama iti babaen ti suporta ti panangtaming.
Naammoan a dagiti kangrunaan a sintomas ti mpox ket lamma iti kudil wenno dagiti sugat iti mucosal a posible nga agpaut ti 2 agingga 4 a lawas.
Kabayatanna, dagiti lamma ket kasaruno ti gurigor, panagsakit ti ulo, panagsakit ti bagbagi, panagsakit iti likud, nababa nga enerhia ken panagmaga ti lymph node.
