LAOAG CITY – Target ti Department of Health (DOH) Bicol a mangbakuna iti agingga iti 95% kadagiti agtutubo iti nadakamat a rehion ita a tawen.
Daytoy ket pinasingkedan ni DOH-Bicol Immunization Program Manager Dr. Desiree Bricenio, a nangilawlawag nga adda dagiti naisagana a schedule para kadagiti aktibidades nga aramidenda tapno mapatibker ti administrasion dagiti immunization drives kadagiti nagduduma a probinsia iti Bicol.
Kabayatanna, namnamaen ti ahensia ti isasangpet ti nasurok a 50,000 a bakuna a mausar a pangbakunaan kadagiti pagadalan, pasilidad ti salun-at ken dadduma pay a suplementario nga aktibidad ti imunisasion agingga iti ngudo ti tawen.
