LAOAG CITY – Inadmitir ti Department of Health (DOH) nga ad-adalenna dagiti reporma tapno protektaran dagiti pasiente manipud iti sobra a kinangina ti professional fees a singsingiren dagiti doktor.
Inbatad ni Department of Health spokesperson Assistant Secretary Albert Domingo a ti professional fees dagiti doktor ditoy Pilipinas ket awan ti pagannurotan.
Inlawlawagna a daytoy a sistema ket mangipalpalubos kadagiti sumagmamano a doktor nga agsingir ti sobra a nangina a bayad ken maitudtudo a dagiti kapada a sistema ket saan a maipatpatungpal kadagiti dadduma a pagilian.
Kunana a ti kinakurang ti pagalagadan ket mangparparigat a masupusupan dagiti gastosen iti ospital dagiti pasiente nangruna kadagiti doktor ket unilaterally a mangikedkeddeng ti professional fees-da.
Innayonna a ti professional fees ket manarimaan ti pannakikoordinarna iti Philippine Medical Association (PMA) ken gutgutigutenna ti grupo nga idauluan ti panangikeddeng dagiti sakupen ti taripa ti professional fees.
Kabayatanna, naammoan a dagiti naisingasing a taripa ket agserbi laeng kas panangalay-ay kontra iti nalabes a nangato a gastos iti medikal.
