LAOAG CITY – Ilunglungalong ti Department of Health ti naan-anay a pannakaipawil iti panagusar ken panaglako ti vape products iti pagilian.
Segun ken ni Department of Health Officer-in-Charge Director Dr. Dominic Maddumba, no saan man a maipatungpal ti total ban, masapol a limitaran laeng ti plain tobacco flavour ti vape tapno saan a magutigot dagiti agtutubo iti nagduduma a flavored variants.
Immunan a nagballaag ti Department of Health a ti e-cigarettes ken tobacco products ket mabalin a mangitunda ti cardiovascular disease, cancer, ken dadduma pay a sakit iti bara.
Nagballaag met ti World Health Organization a ti e-cigarettes ket mangpakaro ti “alarming” a panagngato ti nicotine addiction, no sadinno a minilyon nga agtutubo ti maigamgameren iti vaping.
