LAOAG CITY – Fake news wenno awan ti kinapudnona ti nagwaras nga impormasion iti online nga adda ti baro nga international health concern ti nairekord ti health experts iti sabali a pagilian.
Daytoy ti pangilawlawag ni Department of Health Asec. Albert Domingo, kageddan ti online post nga adda ti pakainaiganna iti maipagarup nga epidemia gapu iti ngumatngato a respiratory illness idiay China.
Inbatad ti opisial a dagus a nakikoordinarda iti World Health Organization (WHO) tapno ammoen iti likudan daytoy a damag.
Kunana a ditoy a naammoan a fake news ti nasao nga impormasion.
Nangiwayatda pay ti monitoring iti nasao a pagilian ken naduktalan a saanda a nangiparuk-at ti aniaman nga health declaration.
