LAOAG CITY – Inpetteng ti Department of Health ti naan-anay a kasapulan a papigsaen ti preventive care ditoy pagilian.
Segun ken ni Department of Health spokesperson Assistant Secretary Albert Domingo, ti pannakapunno dagiti ospital ket gapu iti kinakurang ti primary care.
Inbatadna a no awan ti umanay a babassit a clinics ken ospital, saan a maliklikan nga agturong dagiti pasiente kadagiti apex nga ospital kas ti Philippine General Hospital a mangitunda ti panagpipinnulapolda.
Naammoan a tapno masolbar ti sobra a kapasidad ti Philippine General Hospital, dinakamat ni Domingo a ti Department of Health ket nangi-deploy ti 21 nga accredited nga ospital idiay Metro Manila a mabalin a mangakomodar dagiti pasiente kadagiti sumaruno nga aldaw.
Inpaganetget ti opisial a ti pannakapaiget ti preventive care ket agkasapulan ti “whole-of-government and society” approach nga ar-aramiden daytoy a shared responsibility iti nagbaetan ti gobierno ken dagiti umili daytoy.
