LAOAG CITY – Iyuswat ti Department of Health intono Oktubre 7 ita a tawen ti “Bakuna-Eskwela” a paset ti panangpapigsa ti ahensya ti National Immunization Program.
Segun ken ni Health Secretary Ted Herbosa, bimmaba ti national status ti pagilian iti fully immunized child gapu iti naglabas a pandemya.
Gapu iti daytoy, inpresentar ti Department of Health ken ni Presidente Bongbong Marcos ti catch up plan da a nakaipalaunan ti Bakuna-eskwela.
Maipatungpal ti kick-off ceremony ti Bakuna-Eskwela nationwide iti Dr. Alejandro Albert Elementary School idiay Sampaloc Maynila.
Target a mabakunaan dagiti grade 1-7 nga awan pay ti bakuna na kangrunaan na ti para iti measles, rubella, tetanus, ken diphtheria, idinto a dagiti grade 4 nga ubbing a babbai nga gtawen ti 9 ket maipaayan ti papillomavirus vaccine wenno anti-cervical cancer vaccine.
Iti datos ti Department of Health ket addan ti 71% ti fully immunized nga ubbing ditoy pagilian.
