LAOAG CITY – Manamnama ti panangiparuk-at ti Department of Health (DOH) ti P27.41 billion babaen iti Department of Budget and Management (DBM) ti medical assistance para kadagiti Indigent ken para iti Financially Incapacitated Patients program (MAIFIP).
Ti pannakaiparuk-at ti pondo ita a tawen babaen iti General Appropriations Act ket makatulong para iti agtultuloy a panangipaay ti critical health services kadagiti vulnerable a Pilipino.
Innayon pay ti ahensia a dakkel a paset ti nasao nga alokasion ket maited babaen iti Centers for Health Development (CHD).
Immunan iti daytoy, basar iti Department of Budget and Management a ti P19.145 billion ket maiyallokar iti Centers for Health Development para iti panangsuportar iti panangipaayda ti medical assitance kadagiti partner-da a local government hospitals, pribado nga ospital ken kadagiti dadduma pay a health facilities.
Kabayatanna, ti P4.353 billion met ket maiyallokar kadagiti ospital ti Department of Health iti Metro Manila ken iti rehiyon; P2.910 billion para iti Lung Center of the Philippines, National Kidney and Transplant Institute, Philippine Children’s Medical Center ken ti Philippine Heart Center; P950 million para iti University of the Philippines – Philippine General Hospital ken idinto a P52 million met para iti drug abuse treatment ken kadagiti nagduduma a rehabilitation centers.
