LAOAG CITY – Madanagan ti Department of Health (DOH) iti panagngato dagiti agus-usar ti tabako ken vape products iti adult Filipinos.
Iti 2023 National Nutrition Survey, inpadamag ti ahensia a ti panagusar ti tabako ken vape kadagiti agtawen ti 20 agingga iti 59 ket ngimmato iti 19 a porsiento idi 2021 iti 24.4 a porsiento.
Inladawan ti ahensia ti trend kas makapadanag nangruna ket dakkel iti peggad iti salun-at nga adda ti pakainaiganna daytoy a produkto.
Gapu iti daytoy, nadakamat a ti atake iti puso, cancer ke stroke ti kangrunaan a rason ti pannakatay ditoy Pilipinas idi 2023 ken 2024 ket adda ti pakainaiganna iti panagusar ti tabako basar iti datos manipud iti Philippine Statistics Authority.
Nagballaag pay ti ahensia mainaig kadagiti dadduma pay a nakaro a sakit nga adda ti pakainaiganna iti panagsigarilio pakairamanan ti chronic obstructive pulmonary disease (COPD), Type 2 Diabetes Mellitus ken mapaminsalang epekto sa kalusugan ng reproduktibo.
Basar iti Department of Health, ti panagusar ti tabako ket mangitunda kadagiti sakit iti mata ken dagiti problema iti immune system kas ti rheumatoid arthritis.
