LAOAG CITY – Maalarma ti Department of Health iti panagngato ti kaso ti influenza-related cases iti Cordillera Administrative Region iti umuna a paset ti tawen.
Dumanonen iti 7,132 cases ti nairekord a kaso iti intero a rehion no sadino kaadduan kadagiti nakaptan ket dagiti ubbing idinto ti kataengan kadakuada ket agtawen iti 101 a lolo.
Malaksid iti influeza, pakadanagan pay ti ahensia ti panagngato ti kaso ti dengue no sadino dumanonen iti 70% iti umuna a kagudua a paset ti tawen.
Basar iti datos ti ahensia, addan ti 2,112 a nakaptan ti kaso no sadino ti kaubingan kadakuada ket agtawen laeng iti tallo a bulan.
Iti agdama, nakairekorden ti Department of Health ti 67,874 a kaso ti dengue iti intero a pagilian no sadino 189 kadagitoy ket pimmusay.
