LAOAG CITY – Nagballaag ti Department of Health (DOH) maipanggep iti aktibo a phreatic activity iti Bulkan Taal.
Nagbalin a naulep ti tangatang iti ngato ti bulkan gapu iti asok daytoy kabayatan a napagtalinaedna ti Alert Level 1 status.
Basar iti Department of Health, ti nakapsot ngem aktibo a phreatic activity ket makaitunda ti agtultuloy a pannakairuar ti nabara a volcanic gas manipud iti kangrunaan a bunganga ti bulkan.
Iti agdama nga antas ti panagdayyeg iti bulkan ken panaggaraw ti daga, saan a maikkat ti posibilidad nga agtultuloy daytoy iti magmatic eruption isu a masapol ti panagridam ti amin kangrunaanna kadagiti adda iti Permanent Danger Zone (PDZ) ti Taal.
