LAOAG CITY – Nagballaag ti Department of Health (DOH) iti publiko kontra iti maysa a klase ti imported monkeypox vaccine a maibagbaga nga available ditoy pagilian.
Iti nairuar nga health advisory, inbatad ti Department of Health a nakadanon kadakuada nga adda ti organisasion wenno dagiti indibidual ti mangididiaya ti nasao nga imported monkeypox vaccines.
Mainaig iti daytoy, binallaagan met ti Department of Health ti publiko a mapagduduaan ti bileg ken kinatalged dagiti nasao a bakuna gapu ta dagitoy ket inserrekda ditoy pagilian a saan a dimmalan iti ahensia ken iti Food and Drug Administration (FDA).
Inlawlawag ti Department of Health, ti monkeypox vaccines ket kasapulanna ti nasayaat nga storage ken handling condition kas ti cold chains.
Kunana a no awan ti naiget a panagbantay ti Department of Health ken Food and Drug Administration, awan ti wagas tapno maipasigurado ti kinatalged ken bileg ti nasao a bakuna.
