LAOAG CITY – Nagballaag ti Department of Health kontra iti maysa a page nga agus-usar iti nagan ti ahensia para iti panangitandudo ti agas iti insomnia a maipagarup a peke.
Iti online advisory, inbatad ti Department of Health a nakailanad iti “misleading claims” online a maipagarup a maysa a “nutritional milk” ti agas iti chronic insomnia.
Pinalagipan pay ti health agency ti publiko nga agannad kontra kadagiti peke nga health claims ken dagiti produkto nga agus-usar ti makapaallilaw a marketing strategies ken nagan ti ahensia.
Immunan a sinita ti Department of Health dagiti sumagmamano nga online posts iti panagusar ti nagan ti ahensia iti panangitandudo kadagiti peke a produkto.
