LAOAG CITY – Nagpalagip manen ti Department of Health (DOH) kadagiti medical doctor a maipawil ti agawat ti aniaman a regalo wenno pribilehiyo manipod iti pharmaceutical companies.
Daytoy ket kalpasan a nakaawat ti report ti ahensya a sumagmamano kadagitoy ket mangipapaay ti pribilehiyo kadagiti nasao a kumpanya kasukat ti endorsement da kadagiti brand ti agas.
Inpasigurado ni Health Secretary Teodoro Herbosa a dagitoy ket sumango ti kaso administratibo iti kanito a mapaneknekan nga agaw-awat dagitoy ti regalo wenno pribilehiyo.
Inpetteng ni Herbosa a ti kastoy nga aramid ket nalawag a panaglabsing iti Code of Ethics dagiti medical doctors.
Iti babaen daytoy ket naiget a maipawil kadagiti doktor nga agiyendorsar iti aniaman a brand ti agas.
Naamoan a karaman kadagiti maipagarop a naawat ti sumagmamano a doktor manipod iti sumagmamano a pharmaceutical companies ket free trip iti sabali a pagilian, lugan ken dadduma pay a nagagarbo a regalo.
