LAOAG CITY – Nagpalagip ti Department of Health iti publiko a saan a liplipatan ti Go Bag iti panagsagana no adda ti sumangbay a bagyo kas ti bagyo Pepito.
Segun iti Department of Health, mabalin nga usaren ti Go Bag tapno mapagtalinaed ti kinatalged ken kinasalun-at iti panagbakwit.
Inbilin pay ti Department of Health nga agbakwit a nasapsapa no dagiti pagnanaedan a lugar ket masansan a malayos.
Innayon ti ahensya a no makapasar ti nakaro a tudo kadagiti pagdalanan ti bago ket nasaysayaat no agbakwit a dagus.
Mainaig iti daytoy, inpakaammo ti Department of Health a dakkel pay ti tiyansa na ti landslide gapu ta saturated ti daga ken saanna a kabaelan a sagepsepen ti danom gapu iti agsasaruno a panagtudtudo na ti napigsa.
Inpalagip pay ti ahensya nga ugalien ti agmonitor iti lokasyon ti bagyo ken sumurot iti abiso dagiti otoridad.
