LAOAG CITY – Naminsan manen a nangipatulod ti Department of Health ti medical team idiay Myanmar.
Daytoy ket maiyallubog iti pammilin ni Presidente Ferdinand Marcos Jr.
Iti maysa nga statement, kinumpirmaran ti Department of Health nga insigida a nangipatulod manen ni Health Sec. Ted Herbosa dagiti eksperto manipud iti Health Emergency Management Bureau (HEMB), National Center for Mental Health (NCMH) ken East Avenue Medical Center (EAMC) kangrunaanna idiay Yangon, Myanmar tapno agtultuloy a mangipaay ti emergency medical services, mental health ken psychosocial support kadagiti Pilipino iti lugar.
Naammoan a paset ti grupo ti Rapid Response Team a pakairamanan ti pannakabagi ti Department of Foreign Affairs (DFA) ken Department of Social Welfare and Development (DSWD).
Kabayatanna, nakasublin ditoy pagilian ti immuna nga inpatulod ti Department of Health PEMAT-Visayas a nangipaay ti emergency medical assistance idiay Myanmar no sadinno adda ti sumurok 1000 a pasiente ti naserbianda iti medical tent manipud idi Abril 2 agingga iti Abril 12.
