LAOAG CITY – Inpakammo ni Mrs. Maricris Ancheta, nurse supervisor ti City Health Office ditoy ciudad ti Laoag a nangisayangkat ti DOH ti dengue control program.
Ditoy a dagiti regional office representatives ti nagbalin kas lecturer iti nadakamat a programa.
Segun kenkuana, inpagunam-gunam dagiti opisyal ti 4S ken masapol nga addda ti early consultation no agsagaba ti pasyante ti dehydration, panagsakit ti ulo ken buksit, gurigor, kasta met ti panangsuportar ti fogging iti kada barangay.
Kabayatanna, inlawlawag pay ni Ancheta ti datos nga adda iti CHO seknan iti dengue.
Kunana nga iti bulan ti Enero agingga iti Hulyo ket umabot ti 189 a kaso ti dengue ti nairekord ti CHO ditoy ciudad ti Laoag.
Innayon na nga iti laeng bulan ti Hulyo ket 82 a pasyente ti naapektaran ti nasao a sakit.
