LAOAG CITY – Binilin ni Presidente Ferdinand Marcos Jr. ti Department of Health (DOH) a papigsaenna ti kampanyada kontra iti pangta ti maawawagan a “very strong El Niño” iti salun-at.
Inbatad ni Department of Health Secretary Edwin Mercado a kalikagum ti Presidente a saan laeng a dagiti posters iti online ti aramiden ti departamento mainaig iti manamnama a nakaro nga epekto ti “very strong El Niño”.
Kinuna ti Presidente a masapol ng agturongda kadagiti tunggal barangay wenno komunidad tapno ipakaammo kadagiti tattao dagiti rumbeng nga aramiden tapno maliklikan dagiti sakit a mabalin a maala gapu iti nakaro a pudot ti panawen.
Gapu iti daytoy, binilinen ni Mercado kadagiti regional Department of Health offices mainaig iti nasao a pammilin ti Presidente para iti nasao a nasapa a panagtignay ti ahensia.
