LAOAG CITY – Plano ti Department of Health a mangipasdek ti first aid facilities kadagiti kangrunaan a destinasion dagiti turista iti nagdumaduma a paset ti pagilian.
Sumagmamano kadagiti posible nga umuna a maipatakderan ti nadakamat a pasilidad ket ti Boracay, Siargao, Panglao, La Union, Palawan, Puerto Galera, babaen iti programa a maawagan kas Tourist First Aid Facilities.
Agserbi dagiti pasilidad kas emergency response centers para kadagiti turista a maaksidente bayat ti panagpasiarda kadagita a lugar.
Agserbi kas staff dagiti healthcare professionals a dimmalan iti panagsanay.
Daytoy a plano ket panagtitinnulongwn ti Department of Tourism (DOT), Department of Health ken ti Tourism Infrastructure and Enterprise Zone Authority (TIEZA).
