LAOAG CITY – Possible nga agdeklarar ti dengue outbreak iti pagilian ti Department of Health (DOH) gapu ti agdama a bilang dagiti kaso.
Segun ken ni Secretary Teodoro Herbosa, mabalin nga umaboten iti “outbreak level” ti dengue cases.
Inrakurak daytoy ni Herbosa iti maysa a press conference iti pannakasaludsud kenkuana no plano ti ahensya nga ideklarar ti dengue outbreak iti Pilipinas.
Saanen a nangipaay ti dadduma a detalye ni Herbosa ken no mano aminen ti bilang dagiti kaso iti pagilian.
Ti dengue ket maala kadagiti lamok nga agbalbalay kadagiti maur-urnong a danom wenno stagnant water.
Inbalakad ti Departent of Health iti publiko a pagtalinaeden a nadalos iti aglawlaw ken ikkaten dagiti possible a pagbalayan dagiti lamok a mangitunda iti sakit a dengue.
