LAOAG CITY – Dinillaw ni Department of Health Sec. Teodoro Herbosa ti maipagarop a “broken” system wenno bulok a sistema ti Philippine Health Insurance Corp. (PhilHealth).
Inaramid daytoy ni Herbosa kagiddan ti pannakitaripnong na kadagiti opisyal ti St. Luke’s Medical Center iti Quezon City iti panangrugi ti hospital rounds ti Department of Health ita nga holiday season.
Inrakurak ni Herbosa a kas chairman ti Philippine Health Insurance Corporation Board ket ikarkarigatan da nga urnusen ti nasao a problema.
Kwinestyunaran pay ni Herbosa ti Philippine Health Insurance Corporation gapu iti saanna a panangusar ti pondo na tapno mabayadan ti 800 a milyon a pisos nga utangna iti St. Luke’s Medical Center iti Quezon City.
Dinakamat ni Herbosa ti maipagarop nga online petition a kiniddaw na kadagiti doktor ti ospital a saan a suportaran.
