LAOAG CITY – Inpetteng ti Department of Justice a saan a makaapektar ti impilada a kaso a ‘grave threats’ kontra ken ni Vice President Sara Duterte iti ‘Impeachment Trial’ iti Senado.
Inbatad ni Justice Spokesperson a ni Atty. Polo Martinez nga agsina ti proseso ti kaso nga impilada ken iti agtultuloy nga impeachment proceedings.
Segun ken ni Martinez, ti kaso ti bise ket iggem ti lehislatura ken dagiti senator-judges, ken idinto a ti hukuman met dagiti kaso a kriminal.
Maipalagip a piniliaan ti kaso ti Department of Justice ni Vice President Sara Duterte ti reklamo a grave threats iti Regional Trial Court iti Quezon City no sadinno ket ti kaso ket adda pakainaiganna iti panagpangta ni Vice President Sara Duterte kada Presidente Ferdinand Marcos Jr, First Lady Liza Araneta Marcos ken ti dati a House Representative Speaker a ni Martin Romualdez.
Iti agdama , nakadanonen iti hurisdiksion ti korte ti kaso a grave threats kontra ken ni Vice President Sara.
Kabayatanna, imbasura met ti prosekusion ti kaso nga inciting to sedition gapu iti kinaawan ti umno nga ebidensia.
