LAOAG CITY – Respetuen ti Department of Justice (DOJ) ti saan a pananganamong ti Office of the Ombudsman iti hospital arrest ken ni ex-Speaker Martin Romualdez
Inbatad ni DOJ Spokesperson Atty. Polo Martinez kalpasan ti palawag ni Assistant Ombudsman Mico Clavano a kontraenda ti mosion ti kampo ni dati a House Speaker Martin Romualdez a dumalan iti hospital arrest.
Daytoy ti kiniddaw ti kampo ti mammanday-linteg bayat ti panangur-urayda iti pannakadengngeg dagiti kaso a plunder a sangsanguenna.
Segun kenni Martinez, ipaima da ti nasao a banag iti Ombudsman ken iti Office of the Special Prosecutor ken respetuen da ti aniaman a tignay dagitoy.
Naiserbian ni Romualdez iti arrest warrant idi Kalman, Setiembre 7 bayat ti panagyan na iti Cardinal Santos Medical Center gapu iti mapapati a sakit ti salun-at na.
