LAOAG CITY – Nangiwayat ti Department of Justice (DOJ) ti preliminary investigation iti kaso nga obstruction of justice kontra ken ni Senador Robin Padilla, segun iti pannakangiwat da a ni Atty. Polo Martinez.
Naikeddeng ti sumaruno ti panagdengngeg inton Nobiemre 6.
Inpila ti Philippine National Police-Criminal Investigation and Detection Group (PNP-CIDG) ti reklamo kontra ken ni Padilla ken dadduma pay idi Mayo 28 mainaig ti panaglibas ni Senador Ronald “Bato” Dela Rosa iti Senado.
Nagturong ni Dela Rosa iti Senado idi Mayo 11 kalpasan a pinadas dagiti otoridad nga ipila ti arrest warrant kontra kenkuana manipud iti International Criminal Court (ICC). Nupay kasta, nakaruar daytoy iti Senado idi Mayo 14.
Ni Dela Rosa ket sumangsango iti ICC arrest warrant mainaig ti maipagarup a pangsungbatanna iti crimes against humanity iti panagpapatay iti kampanya kontra droga idi administrasion ni Duterte.
Immunan nga impetteng ni Padilla a saanna a tinulungan ni Dela Rosa a makalibas a kunana a nakigeddan laeng daytoy iti luganna a rumuar iti Senado.
