LAOAG CITY – Impasigurado ti Department of Justice (DOJ) a saan da nga ipalubos a maikkan pannussa a death penalty ni Pastor Apollo Quiboloy no mapaneknekan a guilty kadagiti kasona iti Amerika.
Kageddan daytoy ti panagkumpirmar ti DOJ a naawat dan ti pormal a request manipud ti Estados Unidos tapno i-extradite ni Quiboloy gapu iti sex trafficking, fraud ken money laundering.
Segun ken ni Chief State Counsel Dennis Chan, ipasigurado da nga umuna a saan a maikkan ti pannusa a death penalty ti religious leader sakbay a mapalubosa ti extradition.
Iti agdama, adadalen pay laeng ti DOJ ti kiddaw ti Estados Unidos sakbay a maipila iti korte no sadinno a pagdesisionan da no palubusanda wenno saan ni Quiboloy iti Amerika.
Agtalek met ti ahesia a saan nga umabot iti tawen ti proseso para iti extradition.
