LAOAG CITY – Inpasigurado ti Department of Justice (DOJ) a saanna nga ilimed iti publiko no bilang addan ti warrant of arrest ti International Criminal Court kontra ken ni Senador Bato dela Rosa.
Inbatad ni Department of Justice Spokesperson Atty. Polo Martinez kas kadagiti dadduma a warrant of arrest ket maammoan ti akusado ken ti publiko no addan ti iggemdan a kopya.
Inlawlawag ni Martinez nga iti agdama ket awan latta ti iggemda a kopya ti arrest warrant maisupadi ti inbatad ni dati a Presidential Spokesperson Atty. Harry Roque nga addan ti iggem ti Department of Justice ken Department of the Interior and Local Government (DILG).
Kabayatanna, inpetteng met ti Justice Department a premature ken agpapada nga espekulasion pay laeng ita a pagsaritaan ti isyu nangruna ket awan pay ti kasiguradoan no inton ano wenno addan ti warrant.
Iti baet daytoy, aramiden ti Department of Justice ti amin a maiyataday iti domestic ken international law.
