LAOAG CITY – Nakasublin iti trabaho na ni Department of Justice (DOJ) Undersecretary Jojo Cadiz idi Enero 5, 2026.
Segun ken ni Justice spokesperson Polo Martinez, nagtalinaed nga undersecretary ti Immigration and Special Concerns Cluster ni Cadiz.
Maipalagip nga iti maysa a video message ni dati nga Ako Bicol Party-list Representative Elizaldy Co iti napalabas a tawen ket inbutaktak na a maipagarop a nangideliber ti kwarta ken ni Cadiz a nailatang para ken ni Presidente Ferdinand Marcos Jr.
Kalpasan ti rebelasyon ni Co, nagikkat iti pwesto ni Cadiz.
Iti pannakasaludsud no saan nga inawat ni Presidente Marcos ti resignation ni Cadiz, inpabus-oy ti opisyal ti sungbat iti Palasyo ti Malacañang gapu ta saan a mismo nga iti Department of Justice ti nangisumitiran ni Cadiz ti resignation letter na.
