LAOAG CITY – Inlawlawag ni Dr. Joni Ranada-Camaquin iti Ranada Diagnostic Clinic, a saanda a gungundawayan ti lokal a gobierno ditoy siudad ti Laoag.
Kinunana nga awan iti agdama nga ambulansia ti nasao nga ospital, iso a masapolda nga i-renew ti Memorandum of Agreement nga immununan a pinirmaan ti lokal a gobierno ditoy ciudad babaen iti administrasion ti dati a mayor a ni Chevylle Fariñas ken ti amana a dati nga direktor iti nasao nga ospital idi tawen 2019.
Segun kenkuana, ti direkto a pagbayadan dagiti patiente ket iti lokal a gobierno.
Inpakaammona nga immay ti Department of Health iti nasao nga ospital tapnu ipakaammo ti administrative order no sadinno masapul a mabalbaliwan a sukatan ti nagan ti ospital rason a masapol a mabalbaliwan ti Memorandum of Agreement.
Maipalagip a kinalikaguman ti Sangguniang Panlungsod ditoy siduad a mapaayaban dagiti maseknan iti nasao nga ospital tapnu mailawlawag ti nadakamat a banag sipud ta adda ti panagamakda a gungundawayan ti Ranada Diagnostic Clinic ti lokal a gobierno.
