LAOAG CITY – Pinaluspusanen dagiti otoridad ditoy ciudad ti Laoag dagiti 11 nga indibidwal nga iligal a nagsusugal a natiliw idi naminsan a rabii idiay Barangay 23 ditoy ciudad.
Daytoy ket kalpasan a nakapagyansa da ti sagga-30 a ribo a pisos iti tunggal maysa.
Immuna iti dytoy, natiliw da Jessica Corpuz, Dr. Lynn Suarez, Austin Corpuz, Mary Rose Salvador, Joy Lyn Albano, Janine Corpuz, Paul John Gagarin, Jeniña Mae Repato, Alvin Soria, agpapada a residente ditoy ciudad ti Laoag; ken da Reynante Sarandi ken Bryan Tangan a taga ciudad ti Batac.
Mainaig iti daytoy, ibilang ti PNP a bigtime nga agsusugal gapo kadagiti nausar pay a chips.
Maipalagip a nakumpiskar dagit otoridad manipud iti bag ni Dr. Lyn Albano ti P50,887, 100 Singaporean dollar ken Saudi Arabia Riyal dollar idinto a naala iti bag ni Joy Lyn Corpuz ti P30,233 ken 400 US dollars.
Naamoan a ti nasao a Dr. Suarez ket pribado a doktor ken iti agdama ker agpapautang.
Rumrumwar nga adda ti maysa a lakay a nagpyansa para iti pannakawaya-waya dagiti 11 a natiliw.
