LAOAG CITY – Ad-adalen ti Department of Labor and Employment (DOLE) dagiti pagannurutan para kadagiti delivery riders, nga agtrabtrabaho agingga iti rabii ken uray saan a napintas ti panawen.
Indiskribir ni Department of Labor and Employment Secretary Francis Tolentino ti delivery services kas emerging sector a nagtalinaed a nakurang ti nalawag a labor policies.
Inlawlawag ni Tolentino a dagiti agdeldeliber ket awan ti pilpilyen da nga aldaw ken panawen iti panagtrabaho da isut gapuna a rumbeng laeng nga adda ti nalawag a pagannurutan para kadakuada, aglalo iti panagsweldo da.
Innayon na nga idi naaramid ti labor code idi 1974, ti delivery services ket awan pay iti dayta a gundaway, ken nagraira laeng ti kastoy ti klase a trabaho idi panawen ti pandemya a gubuay ti covid-19 idi pannakai-lockdown ti Pilipinas.
Inpakaammo ni Tolentiono a nakasaganan ti Department of Labor and Employment a mangilungalong iti pagannurutan para kadagiti delivery riders a saan a kasapulan a maamendaran ti agdama a linteg.
