LAOAG CITY – Binalakadan ti Department of Labor and Employment (DOLE) dagiti babassit a negosyante a mabalin da ti agkiddaw ti exemption manipod iti saan a pannakairaman nga agipangato ti sweldo.
Basar iti DOLE, dagiti babassit a retail wenno service establishment a saan a nalablabes ngem 10 nga empleyado wenno dagiti apektado ti “natural calamities wenno dagiti human-induced disasters” ket mabalin nga agaplikar ti wage hike exemption.
Adda ti maipaay a 75 nga aldaw kadagiti employer nga agaplikar sakbay nga agbalin nga epektibo ti wage order.
Kuna ti ahensya a masapol a maipasa daytoy kadagiti Regional Wage Boards kadagiti regional offices ti DOLE.
Kabayatanna, dagiti registered barangay micro business enterprises wenno addaan ti total assets a P3 milyon agpababa ket saan a sakupen ti Minimum Wage Law a nailanad iti Section 8 ti linteg.
No ti insumitie nga exemption ket saan nga inawat ti DOLE ket masapol nga ipatungpal ti employer ti baro a wage order.
