LAOAG CITY – Gutgutiguten ti Department of Labor and Employment (DOLE) dagiti amin a mangmangged a gundaway ti 3-day National Vaccination drive a mangrugi ita nga aldaw Nobyembre 29 agingga intono Disyembre 1 ita a tawen.
Maragsakan ni Mr. John Paul Marbella, ti Informational Officer iti -Region 1 gapu ta ginasut a workers dan ti nagsign in iti system da nga agpabakuna kontra iti covid-19 virus.
Inpanakkel ni Marbella a tapno awan ti agbalin a problema dagiti mangmangged iti biang ti DOLE ket adda ti libre a pagluganan da a mapan iti vaccination sites.
Mainaig iti daytoy, kuna ni Marbella a maawatan da nga adda pay laeng dagiti indibidual a marigatan nga agturong kadagiti vaccination sites aglalo no adayo manipod iti lugar da.
Kuna na a mangnamnama a daytoy ti rason dagiti saan pay a nabakunaan saan ketdi a mabuteng wenno saan da nga agtalek iti bakuna kontra iti makapatay a virus.
Positibo ni Marbella nga iti pannakaiyuswat ti 3-day national vaccination drive ket naan-anay ton a magun-od ti herd immunity ditoy pagilyan.
