LAOAG CITY – Inlawlawag ni Mr. Justin Paul Marbella, ti Information Officer iti Department of Labor and Employment (DOLE) Region 1 dagiti possible a makaigapu no apay nga immado dagiti jobless wenno awan ti trabaho na agingga idi disyembre 2022.
Inbatad na a naipagagangayen a bumaba ti unemployed rate no madanun ti disyembre wenno maudi a quarter iti tawen.
Daytoy ket gapu ta isu ti panagngato ti employment rate no sadinno nga ado dagiti maipaayan ti trabaho gapu ta holiday, Christmas ken dagiti holiday rush.
Mainaig iti daytoy, kuna ni Marbella a mabalin a dagiti nakipagpaset iti survey no sadinno a ti resulta na ket immado ti jobless iti nasao a panawen ket dagiti nagtrabaho iti Micro Small Medium Enterprises (MSMEs) a napukawan ti trabaho gapu iti epekto ti pandemya nga intunda ti covid-19 virus.
Inpalagip na nga ado dagiti negosyo a nagserra gapu iti epekto ti pandemya.
Nupay kasta, mamati nga iti panagsubli ti operasyon dagii naapektaran a negosyo ket agtultuloy metten ti panagrekobre da ken umado manen dagiti maaddaan ti trabaho ditoy pagilyan.
