LAOAG CITY – Mangipaay ti Department of Labor and Employment (DOLE) ti P386.6 million nga emergency employment ken livelihood assistance para kadagiti 49,879 a mangmangged iti Central Luzon a naapektaran ti nakaro a panaglayus gapu iti Habagat.
Segun ken ni Labor Secretary Francis Tolentino, maipaay ti tulong babaen ti Tulong Panghanapbuhay iti Ating Disadvantaged Workers (TUPAD) ken DOLE Integrated Livelihood Program (DILP) tapno maikkanda ti temporario a tulong tapno makaipatakder ti pagsapulan dagiti naapektaran a mangmangged.
Basar iti DOLE Regional Office III, P357.85 million ti nailatang iti TUPAD para iti 48,667 a benepisiario iti Bataan, Bulacan, Nueva Ecija, Pampanga ken Tarlac.
Iti salinong ti programa, maipaayan ti temporario a trabaho dagiti benepisiario, pakairamanan ti pannakaisayangkat ti community-based clean-up activities kadagiti lugar a naapektaran ti kalamidad.
Gapu iti daytoy, inbatad ni Tolentino a kalikagum dagiti programa ti Department of Labor and Employment a maipaayan ti insigida nga income support dagiti mangmangged kalpasan ti nakaro nga epekto ti Habagat.
