LAOAG CITY – Pinalagipan ti Department of Labor and Employment (DOLE) dagiti employers nga awan balak na nga ipaay wenno bayadan ti 13th month pay dagiti empleadoda sakbay ti Christmas season.
Basar iti pagannurotan ti Department of Labor and Employment, agingga Disiembre 24, 2024 a mabalin nga ipaay dagiti employer 13th month pay dagiti empleado da.
Kinunada a saan a makalusot dagiti saan a mangted gapu ta naiget ti panangmonitor ti Department of Labor and Employment Regional, Field wenno Provincial Office a mangsaklaw iti nasao nga establisimiento.
Saklawen ti 13th month pay dagiti rank-and-file nga empleado iti pribado a sektor uray ania ti posision, designation, employment status ken aniaman ti wagas ti panagsueldoda basta nagtrabahoda iti di kumurang a maysa a bulan ita a tawen.
Segun iti Department of Labor and Employment, ti minimum 13th month pay ket saan koma a nababbaba ngem iti one-twelfth ti total basic salary dagiti empleadoda iti maysa a tawen.
