LAOAG CITY – Binalakadan ti Department of Labor and Employment (Dole) dagiti employers iti umiso a panagpasweldo kadagiti empleado iti dua nga aldaw nga holiday ita a bolan ti Agosto.
Indeklarar ni Presidente Ferdinand Marcos Jr. ti Agosto 21 a Ninoy Aquino Day a maysa nga special nonworking day tapno lagipen ti martyrdom ti pimmusay a ni Senador Benigno Aquino Jr.
Iti advisory ti Department of Labor and Employment ket masapol nga ipatungpal intono Agosto 21 ti “no work, no pay” policy, no sadinno a siasinno man nga empleyado a sumrek iti nasao nga aldaw ket mabayadan ti nayun a 30 a porsyento iti basic wage na iti uneg ti walo nga oras.
Maaddaan ti nayun a 30 percent iti kada oras a sweldo no lumabes ti walo nga oras ti panagtrabaho ti maysa nga empleyado.
Kabayatanna, iti met Agosto 31 a National Heroes’ Day ket naideklarar kas regular holiday, a no saan a sumrek ti empleado iti trabaho ket mabayadan latta a buo ti sweldo na ken no sumrek ket agbalin a doble wenno makaawat ti 200 percent iti uneg ti walo nga oras a panagtrabaho.
Maaddaan met ti nayun a 30 percent iti inaldaw a sweldo no lumabes ti walo nga oras ti panagtrabaho ti maysa nga empleado.
