LAOAG CITY – Nagpalagip ti Department of Labor and Employment (DOLE) kadagiti employers a nasken a tutukanda ti pagsayaatan dagiti empleadoda kageddan ti panangrugin a mapasaran ti nangato a marikna nga heat index ditoy pagilian.
Inbatad ni Labor Secretary Bienvenido Laguesma a nasken a kitaen dagiti employers ti mabalin a peggad a mangitunda ti nangato nga heat index a marikrikna.
Nasken a maaddaan ti napintas a bentelasion iti uneg kadagiti opisina ken ti panag-adjust dagiti rest break wenno work locations tapno saan a makaptan ti sakit gubuay iti nabara a panawen.
Nagballaag pay kadagiti employer nga adda ti maiyannatop a pannusa no dagitoy ket aglabsing iti panangi-expose iti risgo kadagiti mangmanggedda.
