LAOAG CITY – Nakasagana a tumulong ti Department of Labor and Employment (DOLE) iti sangapulo nga aldaw a pannakaipawil iti pannakaipaay ti amin a klase ti tulong nga ipatungpal ti Commission on Elections (COMELEC).
Inbatad ni Labor Secretary Bienvenido Laguesma, sumurot ti Department of Labor and Employment iti ayuda ban ngem agtultuloy iti panangipadanon kadagiti social services pakairamanan dagiti naapektaran iti napasamak a panagputok ti bulkan.
Dinakamatna a nangilatang ti Department of Labor and Employment ti P2.2 bilyon para iti Tulong Panghanapbuhay sa Ating Disadvantaged /Displaced Workers wenno TUPAD Program.
Kunana a paset daytoy iti P2.57 a bilyon a pundo a naipaay para iti DOLE Integrated Livelihood and Emergeny Employment Program a bukbuklen ti TUPAD ken DOLE Integrated Livelihood Program.
Immunan nga inpalagip ni Commission on Elections Chairman George Erwin Garcia ti publiko mainaig iti ayuda ban a nangrugi ita nga aldaw agingga inton Mayo 12 wenno sangapulo nga aldaw sakbay ti 2025 midterm elections.
Kabayatanna, karaman kadagiti maibagbaga nga ayuda ket ti Assistance to individuals in Crisis Situations (AICS), TUPAD, 4Ps ken Ayuda para sa Kapos ang Kita Program (AKAP).
