LAOAG CITY – Naglikudan ti Department of Labor and Employment ti maipagarop a panangkontra da iti nailungalong a gakat para iti 200 pesos minimum wage increase kadagiti mangmangged.
Inlawlawag ni Labor Secretary Bienvenido Laguesma a saan da kontraen ti nasao a lungalong no di ket ti ar-aramiden da ket ti mangipapaay laeng ti technical inputs seknan iti pannakaipatungpal iti daytoy.
Inpetteng na a kas kadagiti naglabas a panawen a no mangipaay da ti technical inputs ket maikkan ti sabali a kaipapanan.
Kuna pay ni Laguesma a saan a trabaho ti Department of Labor and Employment ti manglapped iti pannakaipangato ti sweldo dagiti mangmangged.
Kabayatanna, inpasigurado ni Laguesma ti pannakaimplementar ti 200 pesos wage increase no maipasa daytoy iti kongreso.
