Dolphin a naisadsad iti igid ti baybay ti ili ti Badoc, natayen
LAOAG CITY – Natayen ti dolphin a naisadsad iti igid ti baybay a past ti Bgy. Saud iti ili ti Badoc itay kallabes.
Kinumpirmaran daytoy ni Mr. Arthur Valente Prov’l Fishery and Regulatory Officer ti Prov’l Agriculture Office.
Segun ken ni Valente, saan a nadaeran ti dolphin ti rikriknaen na gapu iti kinakapsot na bunga iti posible a pannakalpeng na gubuay ti panagdinamita ket saanan nga ammo ti tinurturong na agingga a naisadsad iti igid ti baybay a paset ti Bngy. Saud ti nasao nga ili.
Naobserbaran pay ni Valente ti panagtigtigerger ti dolphin ken saan na nga ammo ti turturungen na bayat ti panaglangoyy na.
Nupay kasta kuna ni Valente nga eksamenen da ti dolphin babaen ti panaglukat da iti buksit na tapno makita no ania dagiti kinnan na kalpasan na ket ikotkot danton daytoy.
Ti dolphin ket agatiddog ti 1.96 a metro ken kadakkelan a 85 centimetro ken nakita daytoy dagiti mangngalap ti nasao a barangay idi laeng kalman.
